Dy këngë të njëpasnjëshme të lansuara gjatë këtyre muajve, e kanë bërë rep-këngëtarin “Mc Kresha” më të kërkuarin në ditët e fundit.
Këngët e tij “Lej Flleshat” dhe bashkëpunimi me anëtarin e grupit “TDS”, “Dr Mic” me këngën “Lyrical WarFare” janë më të dëgjuarat në radio dhe televizionet tona.
“Mc Kresha” emri i të cilit është Kreshnik Fazliu thotë se është i kënaqur me suksesin e dy këngëve. “Lej Flleshat” është një këngë që është popullarizua ma shumë sepse ka dal më herët në internet, por edhe kjo tjetra është duke ecur shumë mirë. Kënga “Lej Flleshat” është punuar në studion e Enis Preshevës ndërsa “Lyrical WarFare” në studion e Genc Prelvukajt”, thotë ai duke treguar më pas se si ka lindur bashkëpunimi me “Dr Mic”.
“Me ‘Dr Mic’ jemi shokë që moti, ndërsa që prej një viti e kemi pasur në mendje që ta realizojmë një këngë të përbashkët. Tash erdhi momenti dhe mendoj se është kohë e qëlluar”, thotë ai. Suksesi i dy këngëve të fundit e ka shtyrë “Kreshën” të punoj edhe më shumë për të sjell këngë dhe videoklipe të reja.
“Suksesi i këtyre këngëve është një inspirim për mua që të punoj edhe më shumë për këngë të reja. Jam duke punuar albumin tim të parë i cili brenda një muaji do të dal në shitje, kurse do t’i këtë
afro 15 këngë”, theksoi ai duke thënë se në album do të këtë edhe bashkëpunime me këngëtar të tjerë por që nuk ka dëshirë të tregoj emra para se albumi të del në shitje..
Reperat tanë nuk e shfaqin jetën reale të tyre
Kënga “Lej Flleshat” ka bërë shumë simpatizues për vete për shkak edhe të tematikes që ka teksti i këngës. “Mc Kresha” më këtë këngë kritikon këngëtarët kosovarë, e veçanërisht kolegët e tij repera sepse sipas tij në këngët e tyre nuk e shfaqin jetën reale që e bëjnë ata, por paraqiten sikur të ishin duke jetuar në Hollivud.
“Me këngën “Lej Flleshat” kam dashtë me ju tregu të gjithë këngëtarëve se na nuk jemi në Hollivud. Rap-i është një rrymë që flet për jetën aktuale të atij vendi, e jo si reperat tanë të cilët mundohen të tregojnë se kanë pare, se të gjithë janë ‘50 Cent’, e në fakt nuk e kanë në xhep asnjë cent. Paraqiten me vetura të bukura e me femra të llojllojshme. Kjo nuk është jeta reale e tyre. Kosova i ka ndoshta 3 mijë këngëtarë, e prej tyre nuk i gjënë as 50 që kanë kushte pak të mira dhe që jetojnë në kushte evropiane. Për këtë kam dashtë më ju thënë lëni Flleshat (mashtrimet)”, ka thënë ai.
“Mc Kresha” njihet për bashkëpunimet e tij më “Dj Blunt” ft “Real 1” në këngën “Klasic”, pastaj me Bleron & “Snoopa” në këngën “Higher” e të tjera./zeri/
